મહિલાઓ સોશિયલ મીડિયા પર કેમ અંડર ગારમેન્ટની તસવીરો શેર કરી રહી છે ?

Spread the love

મિ.રિપોર્ટર, ૨૦મી નવેમ્બર. 

સોશિયલ મીડિયા પર પોતાના અંડરવિયરની તસવીરો પોસ્ટ કરીને અનોખી રીતે  આયર્લેન્ડની મહિલાઓ દ્વારા વિરોધ નોધાવવામાં આવી રહ્યો છે. તમને આશ્ચર્ય થશે કે, આવો વિરોધ કેમ થઈ રહ્યો છે? આ પ્રકારનો વિરોધ કરવા પાછળનું કારણ શું છે ? તો વાત એમ છે કે, દક્ષિણ-પશ્ચિમ આયરલેન્ડના કોર્ક શહેરમાં બળાત્કારના મામલા સંબંધિત કેસમાં અભિયુક્તના વકીલે જ્યૂરીને કહ્યું હતું કે, 17 વર્ષની ફરિયાદકર્તા છોકરીએ એક પેંટી જ પહેરી હતી.

વકીલે પોતાના અસીલનો બચાવ કરતા જ્યૂરીને કહ્યું કે, રેપની આ ઘટના પાછળ મહિલાનો અંડરવિયર જવાબદાર છે. વકીલે કહ્યું હતું કે, અંડરવિયરને જોયા બાદ આરોપી ઉત્તેજીત થઈ ગયો, અને રેપની ઘટનાને અંજામ આપ્યો.

આ વાતને લઈ પૂરા દેશની મહિલાઓ નારાજ થઈ છે, અહીંની મહિલા રાજનેતા પણ આ ઘટનાનો વિરોધ કરવા માટે સંસદથી લઈ રસ્તા પર ઉતરી ગઈ છે. મહિલાઓનું કહેવું છે કે, શું કોઈ મહિલા પોતાનો મનપસંદ અંડરવિયર પણ ન પહેરી શકે?

આ ઘટના બાદ આયરલેન્ડની મહિલાઓએ પોતાનો વિરોધ નોંધાવવા માટે અંડરવિયરનો ફોટો સોશિયલ મીડિયા પર શેર કરવા લાગી. કાર્યકર્તા ન્યાયિક પ્રણાલીના એ સભ્યોને પણ બહાર કરવાની માંગ કરી રહ્યા છે જે કોર્ટમાં પીડિતોને દોષી ગણાવે છે.

This slideshow requires JavaScript.