UA-117440594-1
Spread the love

મિ.રિપોર્ટર, 13મી જૂન

બાહુબલિ ફિલ્મના સુપરસ્ટાર પ્રભાસ ફરી એકવાર Saaho ફિલ્મ સાથે થિયેટરમાં ધમાલ મચાવવા આવી રહ્યો છે. પ્રભાસની આગામી ફિલ્મ સાહોનું શાનદાર ટીઝર આજે લોન્ચ થયું હતું. આ ટીઝર એટલું જબરદસ્ત છે કે સોશિયલ મીડિયા પર વાયરલ થઈગયું છે.

ફિલ્મના લીડ એક્ટર પ્રભાસ અને શ્રદ્ધા કપૂરે સોશિયલ મીડિયા એકાઉન્ટ પર આ ટીઝર શેર કર્યું હતું. ટીઝર જોઈને લાગે છે કે ફિલ્મ એક્શન અને સસપેન્સથી ભરપૂર છે. હિન્દી ફિલ્મોમાં પણ આ ફિલ્મ પોતાની આગવી છાપ છોડી જશે તેવું લાગે છે.

આ ટીઝર રીલીઝ થતા જ સોશિયલ મીડિયા પર આગની જેમ ફેલાયું હતું. ટીઝર એક્શન અને થ્રિલર પર આધારિત છે. એક્ટિંગ અને સ્ટન્ટ જોતા ફિલ્મ બાહુબલિનો રેકોર્ડ તોડે તો નવાઈ નહિ. આ ફિલ્મ શ્રદ્ધા કપૂરની બીજી એક્શન મૂવી છે. તે આ અગાઉ બાગીમાં એક્શન કરી ચૂકી છે.

ફિલ્મ 15 ઓગસ્ટના દિવસે સ્વતંત્રતા દિનના પ્રસંગે રીલીઝ થઈ રહી છે. ફિલ્મમાં પ્રભાસ અને શ્રદ્ધા કપૂર ઉપરાંત નીલ નિતિન મુકેશ, અરૂણ વિજય, જેકી શ્રોફ જેવા કલાકારો મહત્વના રોલમાં છે.

You missed

error: Content is protected !!