મિ.રિપોર્ટર, 11મી જૂન
હાલમાં જ એક રિપોર્ટ સામે આવ્યો છે કે પબજી દુનિયામાં સૌથી વધારે કમાણી કરનારી એપ બની ગઈ છે. એક બિઝનેસની નજરથી જોઈએ તો આ સારી બાબત છે પરંતુ પબજીનું નુકસાન બાળકોને લાગી રહેલી ખરાબ લત છે. તેના પાગલપનમાં લોકો પોતાનો જીવ પણ આપી રહ્યા છે. બિહારમાં એક 17 વર્ષના છોકરાએ પબજી રમતાં- રમતાં આત્મહત્યા કરી લીધી.
પીયૂષ નામનો એક છોકરી સાંજથી પોતાના ફોન પર પબજી રમી રહ્યો હતો. રાત્રે 10 વાગ્યે તેની મમ્મીએ તેને જમવા માટે બોલાવ્યો અને પબજી રમવાનું બંધ કરવા કહ્યું.
મમ્મીએ ગેમ રમવાની ના પાડી તો પીયૂષ ગુસ્સામાં બોલ્યો, જ્યારે મારું મન કરશે ત્યારે હું ખાઈ લઈશ. મને ટેન્સન ન આપશો. આ બાદ રાત્રે 11 વાગ્યે તેના પિતા જમવાનું લઈને તેના રૂમમાં ગયા ત્યારે દીકરો ફાંસો ખાઈને લટકી રહ્યો હતો. આ બાદ પોલીસને સૂચના આપવામાં આવી અને તેને પોસ્ટમોર્ટન માટે લઈ જવામાં આવ્યો.
પોસ્ટમોર્ટમ બાદ એસએસપી આશિષ ભારતીનું કહેવું છે કે, પબજી રમતા દરમિયાન તેના ગ્રુપના મેમ્બર્સ સતત તેના પ્લેયરને મારી રહ્યા હતા આ કારણે તે પરેશાન હતો અને તેણે આત્મહત્યા કરી લીધી. ભારતીએ અન્ય લોકોને પણ પોતાના બાળકો પર ધ્યાન રાખવા કહ્યું છે.
મીડિયા રિપોર્ટ્સ મુજબ પીયૂષના રૂમમાંથી એક સ્યુસાઈડ નોટ પણ મળી આવી છે. જેમાં તેણે મૃત્યુ માટે પોતાને જ જવાબદાર ગણાવ્યો છે. સ્યુસાઈડ નોટમાં તેણે માતા-પિતાને પોતાના બાળકો પણ કોઈ વસ્તુ માટે પ્રેશર ન કરવાની અપીલ કરી છે. પીયૂષે લખ્યું હતું કે બાળકો પર પ્રેશર વધારવાથી તેઓ વધારે ખરાબ થઈ જાય છે.