લો હવે, ફક્ત પેશાબના રંગ પરથી ખબર પડી જશે દર્દીને કેન્સર છે કે નહીં : જાણો કેવી રીતે ?

લો હવે, ફક્ત પેશાબના રંગ પરથી ખબર પડી જશે દર્દીને કેન્સર છે કે નહીં : જાણો કેવી રીતે ?
Spread the love

હેલ્થ-મિ.રિપોર્ટર, ૬ ઠ્ઠી સપ્ટેમ્બર.

કેન્સર એક એવી બીમારી છે જેમાં થતા સારવારના ખર્ચા થી પીડાદાયક કિમોથેરાપી જ લોકો કેન્સરનું નામ સાંભળી ડરી જાય છે. એટલું જ નહીં વ્યક્તિને કેન્સર છે કે નહીં તેની ઓળખ કરવા માટે કરવામાં આવતા રિપોર્ટ્સ પણ તેટલા જ મોંઘા બને છે. આવી ખર્ચાળ સારવાર વચ્ચે જ અમેરિકામાં આવેલ મેસાચ્યુસેટ્સ ઇન્સ્ટિટ્યૂટ ઓફ ટેક્નોલોજીના વૈજ્ઞાનિકોએ યુરિનના રંગથી કેન્સરની જાણકારી આપતો પ્રયોગ કર્યો છે. જેની ટ્રાયલ ઉંદરો પર કરવામાં આવી છે. 

હવે ટેલિગ્રામ પર મેળવો દરેક મહત્વના સમાચાર, અમારી ચેનલ સબસ્ક્રાઈબ કરવા ક્લિક કરો

સંશોધનકર્તાએ  જણાવ્યું હતું કે,  તપાસ દરમ્યાન યુરિનનો રંગ જો વાદળી હોય તો તે કોલોન કેન્સર હોવાના સંકેત આપે છે. તેમનો દાવો છે કે તપાસની આ રીત ઘણી સસ્તી છે જેથી સામાન્ય વ્યક્તિ પણ તેનો ઉપયોગ કરી શકશે. આ શોધ મેસાચ્યુસેટ્સ ઇન્સ્ટિટ્યૂટ ઓફ ટેક્નોલોજી અને લંડન ઇમ્પીરિયલ કોલેજે મળીને કરી છે. સંશોધનકર્તાના મતે, યુરિનની તપાસથી શરૂઆતના સ્ટેજમાં જ કેન્સરની જાણકારી મળી શકે છે.

સ્ટડી મુજબ, આ તપાસ માટે લેબમાં વધારે સાધનોની જરૂર નથી. કેન્સરની તપાસ માટે આ ખૂબ સરળ પદ્ધતિ છે. સંશોધનકર્તા પ્રોફેસર મૌલીનું કહેવું છે કે, તપાસ દરમ્યાન યુરિનમાં રસાયણોની ક્રિયા-પ્રતિક્રિયાથી તેનો રંગ બદલે છે જે કેન્સરની જાણકારી આપી છે. આ પ્રયોગ 28 ઉંદરો પર કરવામાં આવ્યો હતો જેમાં 14 કોલોન કેન્સર પીડિત હતા અને 14 નોર્મલ. સેમ્પલ લીધા બાદ અડધા કલાકની અંદર જ તપાસ સંભવ છે. સંશોધકોએ તેને કલરિમેટ્રિક યુરિનરી એસ્સે નામ આપ્યું છે.

સંશોધનકર્તાના જણાવ્યા અનુસાર, આવા ટેસ્ટ અને તપાસ દ્વારા જ ઘણા પ્રકારના કેન્સર અને બીજી બીમારીઓની જાણકારી મેળવી શકાશે. તપાસ હાલ તો પ્રારંભિક તબક્કામાં છે અને તેને વધુ સારી બનાવવાના પ્રયત્નો ચાલી રહ્યા છે. વર્તમાનમાં અત્યારે કેન્સરની તપાસ માટે એમઆઈઆર સ્કેન, બ્લડ ટેસ્ટ કરવામાં આવે છે જેનો રિપોર્ટ આવતા વાર લાગે છે. જ્યારે યુરિન ટેસ્ટથી એક કલાકની અંદર રિપોર્ટ મળી જશે.