#MeToo:સિલેબસનો ભાગ ન હોવા છતાં ક્લાસમાં સેક્સુઆલિટીનો ઉલ્લેખ કરતા NIDમાં 25 વર્ષથી ભણાવતા પ્રોફેસરને નોકરીમાંથી હાંકી કઢાયા

Spread the love

મિ.રિપોર્ટર, અમદાવાદ, ૩જી નવેમ્બર

સ્ટૂડન્ટ્સે કરેલા આક્ષેપ બાદ અમદાવાદ NIDના એક પ્રોફેસરને સંસ્થા છોડી દેવાનો આદેશ આપવામાં આવ્યો છે. પ્રોડક્ટ ડિઝાઈનના સિનિયર ફેકલ્ટી મેમ્બર ક્રિશ્નેશ મહેતા સામે કેટલાક સ્ટૂડન્ટ્સ સામે ગંભીર આક્ષેપ કર્યા હતા. મહેતા છેલ્લા 25 વર્ષથી NID સાથે સંકળાયેલા હતા.

મહેતા પર થયેલા આક્ષેપની તપાસ કરવા એક કમિટિ બનાવવામાં આવી હતી, જેમાં આક્ષેપોમાં તથ્ય જણાતા તેમને ફરજ પરથી દૂર કરવામાં આવ્યા હતા. મહેતાએ 5 ઓક્ટોબરે જ રાજીનામું આપ્યું હોવાનું હવે બહાર આવ્યું છે. સંસ્થાએ તેમને હવેથી કોઈપણ પ્રકારની એકેડેમિક કે વહીવટી બાબતોમાં તેમને સામેલ ન કરવાનું પણ નક્કી કર્યું છે.

સ્ટૂડન્ટ્સની ફરિયાદ અનુસાર, તેઓ સિલેબસનો ભાગ ન હોવા છતાં ક્લાસમાં સેક્સુઆલિટી, સેક્સુઅલ રિલેશનનો વારંવાર ઉલ્લેખ કરતા હતા. તેમની સામે અગાઉ પણ તેમની સામે આ જ પ્રકારની ફરિયાદ થઈ હતી.

NIDના ડિરેક્ટર પ્રદ્યુમ્ન વ્યાસે ઈન્ડિયન એક્સપ્રેસને જણાવ્યા અનુસાર, ફરિયાદ થયા બાદ તરત જ તેમની સામે કમિટિ બનાવી દેવાઈ હતી. જેમાં તેમની સામે મૂકાયેલા આરોપ સાચા હોવાનું સાબિત થતાં તેમને તાત્કાલિક ટર્મિનેટ કરાયા હતા. જોકે, તેમણે માફી માગી લઈને રાજીનામું સુપ્રત કર્યું હતું, જેનો તાત્કાલિક અસરથી સ્વીકાર કરી લેવાયો હતો.

મહેતાને એનઆઈડીના કેમ્સપમાં પ્રવેશવાની પણ મનાઈ ફરમાવવામાં આવી છે. તેમના પર જે આરોપ લાગ્યા હતા તેની સામે તેમણે પોતાના બચાવમાં કોઈ દલીલ પણ નહોતી કરી. કમિટિ દ્વારા તેમને જે કારણદર્શક નોટિસ પાઠવવામાં આવી હતી તેનો પણ તેમણે જવાબ નહોતો આપ્યો.