વડોદરા- મિ.રિપોર્ટર, ૧૫મી માર્ચ
વડોદરા લોકસભા બેઠક માટે મે દાવેદારી નોંધાવી છે. પક્ષનો હું સિનીયર નેતા છું. મને ટિકિટ આપવામાં આવશે તો હું જીત્યા બાદ જનતાની સેવા કરીશ. ગુજરાત અને દેશનું નામ રોશન કરીશ. વડોદરા બેઠક ઉપર પીએમ મોદીનું પણ નામ ચાલી રહ્યું છે. જો નરેન્દ્ર મોદી વડોદરા લોસકભા બેઠક પર ચૂંટણી લડવા આવશે તો તેઓને હું તન, મન, ધનથી જીતાડવા માટે પ્રયત્ન કરીશ. એમ વાઘોડિયાના ધારાસભ્ય મધુ શ્રીવાસ્તવે વડોદરા લોકસભા બેઠક માટે સેન્સ લેવા આવેલી નિરીક્ષકોની ટીમ સમક્ષ પોતાની દાવેદારી નોંધાવ્યા બાદ પત્રકારોને જણાવ્યું હતું.