સુરતમાં મહિલા કોર્પોરેટર ગરબે ઘૂમ્યા, FB પર લાઈવ થતાં કોર્પોરેટરનું માસ્ક પણ ગળા પર લટકાવેલું જોવા મળ્યું

www.mrreporter.in
Spread the love

રાજનીતિ- સુરત, મી.રિપોર્ટર,  20મી ઓક્ટોબર .

રાજ્યમાં મોટાભાગના શહેરમાં નવરાત્રી પર  પ્રતિબંધ છે. જ્યાં છૂટછાટ આપી છે ત્યાં કેટલીક શરતો મુકવામાં આવી છે.  એમાંય પોલીસની પરવાનગી અનિવાર્ય છે.  જોકે આ નિયમોનું રાજકરાણીઓ પાલન કરતા નથી. સુરતમાં પણ આવી જ એક ઘટના બની હતી.  સુરતમાં  નવરાત્રિ પર પ્રતિબંધ છે. ત્યારે સુરતમાં મહિલા કોર્પોરેટર રૂપલ શાહ ગરબે રમતા હોવાનો વીડિયો સામે આવ્યો છે. 

અમારા ન્યૂઝ WhatsApp પર મેળવવા  અહીં ક્લિક કરો : https://chat.whatsapp.com/Gv1pzODjwizBzBHVgCCmOS

સુરતના મહિલા કોર્પોરેટર અને સાંસ્કૃતિક સમિતિના ચેરમેન રહી ચૂકેલા રૂપલ શાહે નારી સંરક્ષણ ગૃહમાં યોજાયેલા યોગ ગરબાના આયોજનમાં ગરબે ઘૂમતા ચર્ચાનું કેન્દ્ર બન્યા છે. ઝુમ એપ પર નારી સંરક્ષણ ગૃહની બહેનોના ગરબા યોજાયા હતા. જે FB પર  live કરવામાં આવ્યા હતા. Fb પર live થયેલા ગરબામાં કેટલાકે માસ્ક પણ પહેર્યા ન હતા. જ્યારે ખુદ કોર્પોરેટરનું માસ્ક ગળા પર લટકાવેલું હતું. આ ગરબાના કારણે માસ્ક નહીં પહેરવા, સોશિયલ ડિસ્ટન્સ નહીં જાળવવા અને પાંચથી વધુ લોકોને ભેગા કરવા સહિતના જાહેરનામાનો ભંગ થતો નજરે પડી રહ્યો છે.

ગરબા રમવા અને માસ્ક ન પહેરવા અંગે ઉભા થયેલા વિવાદ બાદ કોર્પોરેટર રૂપલ શાહે જણાવ્યું હતું કે, નારી સંરક્ષણ ગૃહની બહેનો માટે યોગ-પાવર ગરબાનું આયોજન કરાયું હતું. જે સર ઝૂમ પર ટ્રેનિંગ માટે આવ્યા હતા તે કોવિડ હોસ્પિટલોમાં પણ તાળીઓના કારણે થતા લાભને લઈને ટ્રેનિંગ પણ આપી આવ્યા છે.  જેને જે વિચાર કરવો હોય તો વિચારે, ચૂંટણી આવે અટલે આવું ચાલવાનું જ છે. બધાએ માસ્ક પહેર્યું હતું. જોકે, ગરબા સમયે પરસેવો થતા માસ્ક ઉતર્યા હતા.
અત્રે ઉલ્લેખનીય છે કે,   રાજ્ય સરકારે નવરાત્રિ પર પ્રતિબંધ મૂકે દીધો છે. બીજી તરફ વરાછામાં ભાજપની સભામાં મોટી સંખ્યામાં લોકો ભેગા કરાયા છે અને સોશિયલ ડિસ્ટન્સ વિના ભોજન સમારંભ પણ યોજાઈ રહ્યા છે. દરમિયાન શહેરમાં સહપરિવાર ફરવા નીકળેલા લોકોને પોલીસ અને તંત્ર તેમને ઘરે પરત મોકલી રહ્યા છે. આ બધા વચ્ચે રાજકારણીઓ સામે કોઈ કાર્યવાહી થઈ રહી નથી અને સરકારની આ બેવડી નીતિના કારણે સુરતીઓમાં ભારે રોષ જોવા મળી રહ્યો છે.
( ગુજરાતનું અગ્રેસર ન્યૂઝ પોર્ટલ પર આપનું સ્વાગત છે. આપને આ ન્યુઝ કે સ્ટોરી કેવી લાગી તે અંગે આપના પ્રતિભાવો મોકલો : Whatsapp 9978099786 પર મોકલી આપો..તમે અમને ફેસબુક, ટ્વીટરઇન્સ્ટાગ્રામ અને યુ ટ્યુબ   તેમજ ટેલીગ્રામ પર પણ લાઇક અને ફોલો કરી શકો છો.