સાપુતારા ને પણ ભૂલી જશો, પાવાગઢ ને જોઇને મન પ્રફુલ્લિત થઇ જશે…પ્રકૃતિના ખોળે પ્રવાસની મજા માણો..

www.mrreporter.in
Spread the love
 

વડોદરા – મી. રીપોર્ટર, ૨જી સપ્ટેમ્બર. 

સમગ્ર દેશમાં કોરોના ની મહામારીનો આતંક થયાવત છે,  કોરોના વોરીયર્સ ના સથવારે લોકો કોરોના સામે લડી રહ્યા છે.  એમાય છેલ્લા ત્રણ-ચાર મહિના થી લોકો કોરોના ના કારણે ઘરે જ બેઠા છે, કામ પૂરતા જ ઘરની બહાર નીકળે છે. આવા સંજોગોમાં લોકો ઘરે બેસી ને કંટાળી ગયા છે.  હવે લોકો પોતાનો કંટાળો દુર કરવા, ફ્રેશ હવા ખાવા અને મન- હ્રદય ને પ્રફુલ્લિત કરવા માટે પોતાના પરિવાર સાથે વિકેન્ડની મજા માણવા માટે  કાર લઈને નીકળી પડે છે.  

અમારા ન્યૂઝ WhatsApp પર મેળવવા  અહીં ક્લિક કરો : https://chat.whatsapp.com/Gv1pzODjwizBzBHVgCCmOS

વડોદરા અને તેમની આસપાસ ઘણા નાના મોટા પ્રવાસ લાયક સ્થળો છે. પરંતુ વરસાદી માહોલ અને સોળે કળાએ ખીલેલા કુદરતી વાતાવરણની મઝા માણવી હોય તો પાવાગઢ એક સુંદર અને રમ્ય સ્થળ છે. વડોદરા શહેર થી ૫૦ કિલોમીટર દુર આવેલા પાવાગઢ અને તેની નજીક નું સૌંદર્ય- વાતાવરણ મન ને મોહી લે તેવું છે. તેનો વહેલી સવારનો નજરો જોઈએ ને તમે સાપુતારા ને પણ ભૂલી જશો. 

ગુજરાતમાં 2930 ફૂટની ઉંચાઈ ધરાવતો પાવાગઢ પર્વત પૌરાણિક છે. પાવાગઢમાં વિશ્વ પ્રસિદ્ધ મહાકાળી માતાનું મંદિર આવેલું છે. ધાર્મિક માન્યતા મુજબ, પાવાગઢમાં પતઇ કુળના રાજા રાજ્ય કરતા અને તેઓ મહાકાળીના ભક્ત હતાં અને મહાકાળી આ કુળની ભક્તિથી પ્રસન્ન થઇ નવરાત્રી દરમિયાન અહીં ગરબા રમવા આવતાં હતા. ત્યારથી પાવાગઢ  ધાર્મિક સ્થળ તરીકે સમગ્ર ગુજરાત અને દેશમાં પ્રસિદ્ધ  બની ગયું છે. ધાર્મિક સ્થળની સાથે સાથે હવે તે પિકનિક તરીકે પણ પ્રસિદ્ધ  છે. 
 
એમાય  ચોમાસું શરૂ થતા અહીંનું કુદરતી સૌદર્ય સોળે કળાએ ખીલી ઉઠે છે.  જેને નિહાળવા  પ્રકૃતિ પ્રેમીઓ અને  પ્રવાસીઓ  મોટી સંખ્યામાં ઉમટી પડે છે. વરસાદ અને તેના પગલે સર્જાયેલા મનમોહક નજરા જેવા કે  ગુપ્તેશ્વર ધોધ તેમજ ખુણીયા મહાદેવ ધોધ ને માણવા માટે દોડી આવે છે. 
 
( ગુજરાતનું અગ્રેસર ન્યૂઝ પોર્ટલ પર આપનું સ્વાગત છે. આપને આ ન્યુઝ કે સ્ટોરી કેવી લાગી તે અંગે આપના પ્રતિભાવો મોકલો : Whatsapp 9978099786 પર મોકલી આપો..તમે અમને ફેસબુક, ટ્વીટરઇન્સ્ટાગ્રામ અને યુ ટ્યુબ   તેમજ ટેલીગ્રામ પર પણ લાઇક અને ફોલો કરી શકો છો.