ક્યાં મામલે.. ડેડી અક્ષય કુમાર જેવી જ છે તેની દીકરી નિતારા : જુઓ…વિડીયો..

મિ.રિપોર્ટર, બોલીવુડ, ૧૧મી નવેમ્બર. 

બોલીવુડ સુપરસ્ટાર અને ઇન્ડસ્ટ્રીઝમાં  સૌથી ફિટ એક્ટર ગણાતા અક્ષય કુમારે પોતાની દીકરી નિતારાનો  પોતાના ઈન્સ્ટાગ્રામ અકાઉન્ટ પર એક નાનકડો વીડિયો શેર કર્યો છે.  જેમાં ૬ વર્ષની નિતારા પિતા અક્ષય કુમારની જેમ જ નાનપણથી  ફિટ બનવા માંગતી હોય તેમ  વર્કઆઉટ કરતી જોવા મળી હતી. આ વીડિયોમાં અક્ષયની પુત્રી જાડા દોરડાંને ઉપર-નીચે કરતી જોવા મળે છે.

પોતાના ઈન્સ્ટાગ્રામ અકાઉન્ટ વિડીયો શેર કરતા અક્ષય કુમારે  લખ્યું કે, “બાળકો જે જોવે છે તેવું જ કરે છે. જલ્દી શરૂ કરો અને એક સારો દાખલો બેસાડવાનો પ્રયાસ કરો. ગ્રેટ પેરેન્ટિંગ. એક્ટિવ કિડ્સ.”  અત્રે ઉલ્લેખનીય છે કે અક્ષય કુમારના આ વીડિયોને માત્ર પાંચ કલાકમાં ૨ મિલિયનથી વધારે લાઈક મળી ચૂકી છે.